واقعة هذه القصة حدثت مع شخص من طوباس في إحدى قرى رام الله وقد حدثنا اياها من فترة بسيطة ...
طبعا رح أحكي بالعامية ...
هذا الشاب يعمل كتاجر في ( البالات) القش المستعمل للأغنام والماشية ،، بقول إنو بأحد الأيام طالع للسوق برام الله يوزع بضاعتو ويلم ديون الو ،، ف بقول انو يومها استلم من ديونه مبلغ 10 الاف شيكل وكانو معاه بالسيارة نقدا ...
خلص أخونا شغله وبدو يرجع لعنا ع طوباس ... على الطريق كان فيه منطقة مقطوعه لاقى فيها زلمة كبير على راسه لفحة (حطة ، شوره ) أشرلو يوقفلو !! صاحبنا قال بنعمل معروف مع هالرجال بنركبو
طلع معاه وعالطريق بعد ما مشى شوي الا الزلمة بطلع سكين (موس ) وبهدد الشفير وقلو امشي بالطريق اللي بحكيلك عليها وبالفعل دخلو بطريق كلها وعر وشجر ، الشفير حكالو بدك مصاري افتح هاي الخزانة فيها 10 الاف شيكل وشو بدك كمان بعطيك بس اتركني بحالي ...
بالفعل الزلمة فتح الخزانة وطال المصاري وسحب من بينهن (فقط) ورقة 100 شيكل !!!! ورجع الباقي على الخزانة !!!
الشفير قلو ليش رجعتهن باستهجان ؟؟! قلو أنا ما بدي الا هال100 شيكل بدي أجيب فيهن كيس طحين اطعمي ولادي
الشفير باستهجان مرة ثانية طيب ما دام بدك بس هال100 شيكل ليش ما حكيت من الاول وليش ترفع علي سكين وتجيبني من هالطريق ؟؟!!
قلو كمل طريقك لحد ما أحكيلك وقف !!
بالفعل وصلو للقرية ولما وصلو قريب من بيت يادوب يصلح لسكن الماشية طلب هالشخص من صاحبنا وقلو انزل من السيارة وروح لهديك الدار واللي بطل عليك قلو معاي واحد بالسيارة تعبان وطول الطريق بقول بدي أوكل وبدي الو بس رغيف خبز
بالفعل أخونا نزل ونفذ ولما دق عالبا طلت مرأة كبيرة مباشرة حكالها يا خالتي هيك هيك القصة وبدنا رغيف خبز ،،،
المرأة مباشرة انهمرت عيونها بالبكا وقعدت عالأرض ... قلها يا خالتي أنا ما بدي أي اشي ثاني أنا بس بدي رغيف خبز !!!
قالتلو بحرقة دموعها والله يا خالتي من أسبوع ما فيه ولا كسمة خبز بالبيت اطعميها لأولادي ومن أسبوع طلع جوزي ما بنعرف عنو إشي !!! والشب طبعا هون ما مسك نفسه وبكى على بكاءها
ولا احنا كمان هون مسكنا حالنا رغم انو مجرد سامعين للحديث وما شفنا الموقف !!!
رجع الشب عالسيارة ملخوم وقلو للزلمة اللي معاه انتا وين باعثني ؟؟
قلو هاد البيت بيتي واللي حكت معاك هاي زوجتي
الشب مباشرة طال المصاري اللي معاه وترجى الزلمة انو ياخد مصاري شو بدو ما قبل قلو بس بدي ال100 اجيب فيهن طحين ما بدي غير هيك
وبالفعل بنفس اللحظة هاي عزة النفس عند هالرجل منعتو يوخذ أي قرش زيادة عن اللي هو بحاجتو !!
الشب مباشرة رجع للسوق برام الله وما روح ع بيتو ليحكي القصة لبقية التجار اللي كانو معاه ويلمو منهم شوية مصاري ويشترو أغراض لبيت هالرجال ويروحو عندو
بالفعل بس طبعا اشي صدق واشي لأ لأنو البعض بفكر بدو ينصب عليهم فقلهم اللي بدو ييجي يتفضل وفعلا طلعو معاه كمان 2 بعد ما لمو شوية فلوس واشترو معظم حاجات البيت من خضرة وتموين وهيك وراحولهم بنفس اليوم
لما وصلو هناك وطل عليهم نفس الشخص صاحب البيت وقالوله انو هيك هيك جايبين معنا أغراض الكم
رفض قطعيا حتى ما كان بدو يسمحلهم يدخلو وبعد محاولات عديدة لأقنعوه انهن هدية منهم مش مساعدة او شيء من هذا القبيل !!!
والحمدلله لهسا الشباب ما بقاطعوهم ربنا يجزيهم كل خير ...
بس تخيلو يا اخوان قديش فيه حالات بشعبنا من هالنوع ؟؟ اللي عندو الاف بقلك والله تعبانة يا أخي !!!
واللي معاه مليون بدو يعملهم 2مليون !!! طيب اللي مثل هالجماعه ايش يحكو هدول ؟؟!!
يااااااااالله هالجماعه كل ما أتذكر موضوعهم شو بقشعربدني !!! يعني جد بتلاقي الناس المحتاجة عندها عزة نفس والناس اللي معها مصاري وربنا معطيها عندها جشع وطمع مش طبيعي(هك عينهم ما أقواها) (مصطلحات شوارع) وعلى مستوى شعبنا وشفنا كثيرمن هالنوعيات أيام ما كان يصير توزيع من التموين اللي كان ييجي دعم للفلسطينيين (اللي بدلوه بأرضهم) ! كنت تشوف بعض أصخاب الأموال او عالأقل خلينا نقول ميسوري الحال هم اول الناس المنتظرين للاستلام !!!
تعودنا على عدم القناعة !!! احنا بلميون نعمة بس مش حاسين
والله الي أكم يوم بنزل عالسوق ... والله بعض محلات ما فيه مكان تحط رجلك !!!
احنا ما بدنا نقطع رزق الناس برغم انو معروف اللي سعرو قبل العيد ب90 بالعيد بصير ب160 وعجبك عجبك بحكيلك ما بدك غيرك بيجي بياخد ... بس لما تشوف هالعالم هاجمة
بتقول انهم قاعدين بالشارع عريانيين بدون ملابس !!!
كم ناس عنا محتاجة ؟؟ ليش لما واحد يطلب منك تبرع ما بتعطي ؟؟!! وليش بنفس الوقت لما يكون فيه شي ما بيستحق بندفع عليه آلاف ؟؟!
مش الكل طبعا ،،، فيه ناس الله يجزيهم الخير بدفعو زكاتهم وبطلعو صدقاتهم ...
يا ريت نحمل فكر القناعة ... حتى ع مستوى البيت والأكل والشرب مثلا ،، يعني بتروح عالبيت شو طابخة امك بتاكل ،، والله هاي الفريكة ما بحبها وهاد العدس مش عارف ابصر مالو وهاي الطبخة اوعي يما تعيديها وتطبخيها ... قبل كل شيء احترام لإمك مش لازم تفتح ثمك يعني عجبك عجبك ما عجبك لعمرو لا عجبك لاتوكل بس لا تقول بوجهها ما بدي ( أنا لو سم إمي تحط قدامي باكل وبقلها سلم أيديكي عسل يما ) بس المهم أكسب رضاها ولو فعلا ما عجبك خلي كلمة الحمدلله على لسانك لحتى اذا سألتك زاكي الأكل يما ؟ قول الحمدلله ما رح تخسر الكلمة وفوقها رضى إمك ولا أنا غلطان ؟؟
لأنو للأسف فيه كثير بعملوها وحتى شباب كبار !!!
ثاني شيء لازم يكون عندك قناعه لانو هاد انتا لاقيه غيرك مش لاقي لقمة الخبز !!!
صيرو زيي أنا شغلة وحدة بس ما بحبها !!! تعرفو إيش هيي ؟؟
الصحن الفاضي
يا ريت هالفكر نحملو وننقلو كمان للي حوالينا ،، بتعرف حدا بحاجة لا تتردد دل عليه واذا بتقدر بنفسك روحلو ،،،
والله لو الواحد بدو يحكي قصص من هالنوع انو مآسي بحكي بس الحمدلله على كل حال ، ( قليل ما بنقول هالكلمة )
وبالأخير تمنياتي للجميع بالتوفيق وربنا يسهل أموركم ويوفقكم للخير دائماً وأبداً
دمتم بكل خير وعافية
طبعا رح أحكي بالعامية ...
هذا الشاب يعمل كتاجر في ( البالات) القش المستعمل للأغنام والماشية ،، بقول إنو بأحد الأيام طالع للسوق برام الله يوزع بضاعتو ويلم ديون الو ،، ف بقول انو يومها استلم من ديونه مبلغ 10 الاف شيكل وكانو معاه بالسيارة نقدا ...
خلص أخونا شغله وبدو يرجع لعنا ع طوباس ... على الطريق كان فيه منطقة مقطوعه لاقى فيها زلمة كبير على راسه لفحة (حطة ، شوره ) أشرلو يوقفلو !! صاحبنا قال بنعمل معروف مع هالرجال بنركبو
طلع معاه وعالطريق بعد ما مشى شوي الا الزلمة بطلع سكين (موس ) وبهدد الشفير وقلو امشي بالطريق اللي بحكيلك عليها وبالفعل دخلو بطريق كلها وعر وشجر ، الشفير حكالو بدك مصاري افتح هاي الخزانة فيها 10 الاف شيكل وشو بدك كمان بعطيك بس اتركني بحالي ...
بالفعل الزلمة فتح الخزانة وطال المصاري وسحب من بينهن (فقط) ورقة 100 شيكل !!!! ورجع الباقي على الخزانة !!!
الشفير قلو ليش رجعتهن باستهجان ؟؟! قلو أنا ما بدي الا هال100 شيكل بدي أجيب فيهن كيس طحين اطعمي ولادي
الشفير باستهجان مرة ثانية طيب ما دام بدك بس هال100 شيكل ليش ما حكيت من الاول وليش ترفع علي سكين وتجيبني من هالطريق ؟؟!!
قلو كمل طريقك لحد ما أحكيلك وقف !!
بالفعل وصلو للقرية ولما وصلو قريب من بيت يادوب يصلح لسكن الماشية طلب هالشخص من صاحبنا وقلو انزل من السيارة وروح لهديك الدار واللي بطل عليك قلو معاي واحد بالسيارة تعبان وطول الطريق بقول بدي أوكل وبدي الو بس رغيف خبز
بالفعل أخونا نزل ونفذ ولما دق عالبا طلت مرأة كبيرة مباشرة حكالها يا خالتي هيك هيك القصة وبدنا رغيف خبز ،،،
المرأة مباشرة انهمرت عيونها بالبكا وقعدت عالأرض ... قلها يا خالتي أنا ما بدي أي اشي ثاني أنا بس بدي رغيف خبز !!!
قالتلو بحرقة دموعها والله يا خالتي من أسبوع ما فيه ولا كسمة خبز بالبيت اطعميها لأولادي ومن أسبوع طلع جوزي ما بنعرف عنو إشي !!! والشب طبعا هون ما مسك نفسه وبكى على بكاءها
ولا احنا كمان هون مسكنا حالنا رغم انو مجرد سامعين للحديث وما شفنا الموقف !!!
رجع الشب عالسيارة ملخوم وقلو للزلمة اللي معاه انتا وين باعثني ؟؟
قلو هاد البيت بيتي واللي حكت معاك هاي زوجتي
الشب مباشرة طال المصاري اللي معاه وترجى الزلمة انو ياخد مصاري شو بدو ما قبل قلو بس بدي ال100 اجيب فيهن طحين ما بدي غير هيك
وبالفعل بنفس اللحظة هاي عزة النفس عند هالرجل منعتو يوخذ أي قرش زيادة عن اللي هو بحاجتو !!
الشب مباشرة رجع للسوق برام الله وما روح ع بيتو ليحكي القصة لبقية التجار اللي كانو معاه ويلمو منهم شوية مصاري ويشترو أغراض لبيت هالرجال ويروحو عندو
بالفعل بس طبعا اشي صدق واشي لأ لأنو البعض بفكر بدو ينصب عليهم فقلهم اللي بدو ييجي يتفضل وفعلا طلعو معاه كمان 2 بعد ما لمو شوية فلوس واشترو معظم حاجات البيت من خضرة وتموين وهيك وراحولهم بنفس اليوم
لما وصلو هناك وطل عليهم نفس الشخص صاحب البيت وقالوله انو هيك هيك جايبين معنا أغراض الكم
رفض قطعيا حتى ما كان بدو يسمحلهم يدخلو وبعد محاولات عديدة لأقنعوه انهن هدية منهم مش مساعدة او شيء من هذا القبيل !!!
والحمدلله لهسا الشباب ما بقاطعوهم ربنا يجزيهم كل خير ...
بس تخيلو يا اخوان قديش فيه حالات بشعبنا من هالنوع ؟؟ اللي عندو الاف بقلك والله تعبانة يا أخي !!!
واللي معاه مليون بدو يعملهم 2مليون !!! طيب اللي مثل هالجماعه ايش يحكو هدول ؟؟!!
يااااااااالله هالجماعه كل ما أتذكر موضوعهم شو بقشعربدني !!! يعني جد بتلاقي الناس المحتاجة عندها عزة نفس والناس اللي معها مصاري وربنا معطيها عندها جشع وطمع مش طبيعي(هك عينهم ما أقواها) (مصطلحات شوارع) وعلى مستوى شعبنا وشفنا كثيرمن هالنوعيات أيام ما كان يصير توزيع من التموين اللي كان ييجي دعم للفلسطينيين (اللي بدلوه بأرضهم) ! كنت تشوف بعض أصخاب الأموال او عالأقل خلينا نقول ميسوري الحال هم اول الناس المنتظرين للاستلام !!!
تعودنا على عدم القناعة !!! احنا بلميون نعمة بس مش حاسين
والله الي أكم يوم بنزل عالسوق ... والله بعض محلات ما فيه مكان تحط رجلك !!!
احنا ما بدنا نقطع رزق الناس برغم انو معروف اللي سعرو قبل العيد ب90 بالعيد بصير ب160 وعجبك عجبك بحكيلك ما بدك غيرك بيجي بياخد ... بس لما تشوف هالعالم هاجمة
بتقول انهم قاعدين بالشارع عريانيين بدون ملابس !!!
كم ناس عنا محتاجة ؟؟ ليش لما واحد يطلب منك تبرع ما بتعطي ؟؟!! وليش بنفس الوقت لما يكون فيه شي ما بيستحق بندفع عليه آلاف ؟؟!
مش الكل طبعا ،،، فيه ناس الله يجزيهم الخير بدفعو زكاتهم وبطلعو صدقاتهم ...
يا ريت نحمل فكر القناعة ... حتى ع مستوى البيت والأكل والشرب مثلا ،، يعني بتروح عالبيت شو طابخة امك بتاكل ،، والله هاي الفريكة ما بحبها وهاد العدس مش عارف ابصر مالو وهاي الطبخة اوعي يما تعيديها وتطبخيها ... قبل كل شيء احترام لإمك مش لازم تفتح ثمك يعني عجبك عجبك ما عجبك لعمرو لا عجبك لاتوكل بس لا تقول بوجهها ما بدي ( أنا لو سم إمي تحط قدامي باكل وبقلها سلم أيديكي عسل يما ) بس المهم أكسب رضاها ولو فعلا ما عجبك خلي كلمة الحمدلله على لسانك لحتى اذا سألتك زاكي الأكل يما ؟ قول الحمدلله ما رح تخسر الكلمة وفوقها رضى إمك ولا أنا غلطان ؟؟
لأنو للأسف فيه كثير بعملوها وحتى شباب كبار !!!
ثاني شيء لازم يكون عندك قناعه لانو هاد انتا لاقيه غيرك مش لاقي لقمة الخبز !!!
صيرو زيي أنا شغلة وحدة بس ما بحبها !!! تعرفو إيش هيي ؟؟
الصحن الفاضي
يا ريت هالفكر نحملو وننقلو كمان للي حوالينا ،، بتعرف حدا بحاجة لا تتردد دل عليه واذا بتقدر بنفسك روحلو ،،،
والله لو الواحد بدو يحكي قصص من هالنوع انو مآسي بحكي بس الحمدلله على كل حال ، ( قليل ما بنقول هالكلمة )
وبالأخير تمنياتي للجميع بالتوفيق وربنا يسهل أموركم ويوفقكم للخير دائماً وأبداً
دمتم بكل خير وعافية
